呢幾年泥我對業主委員會好失望, 琴日我都冇去到投票, 睇左你地今日派ge信件再上泥呢個網望下先知道你地又想成立法團, 不過我覺得唔會成立得到, 我見到你地今次好有理想去做, 但係你地有冇諗過一條可以成功ge路? 如果只係放張台叫人簽名ge話, 我都冇興趣幫你地簽, 因為我完全唔知道你地會點做? 又唔知道你地有咩計劃, 我唔想又見到另一次ge失敗, 梁先生你會點樣答我呢? 同埋我想知道今次成立法團ge方法同以往有乜野分別? 點解你知道以前唔得今次又會得呢?
Cheung W.K.或者咁講，有法團都唔係萬能，但有法團嘅話，業主先可以按業主意願去決定屋苑嘅管理方針，而且有咩問題都有較明確嘅法例去解決，唔係好似宜家咁，俾公契一啲唔合理/古怪嘅條款，令到業主想改變屋苑管理都無辦法，只係由管理公司話晒事，我明白呢幾年美景的確面對咗好多風風雨雨，但成立法團對屋苑管理嘅長遠發展點都係好嘅，我都希望呢次可以成功以往成立唔到法團，係因為引用咗"建築物管理條例"第3、3A條，呢兩條對業權嘅要求，喺美景係做唔到/好難做到至於今次係咪成立到，都要睇各業主係咪支持，由於美景嘅情況比較特別，香港應該無幾多個屋苑會好似美景咁難成立法團，現時要成立法團，按照法例只係得"建築物管理條例"第4條係可行嘅，按呢條法例，召集人要收集10%業權嘅業主(大約700戶)支持召開成立法團嘅大會，之後向土地審裁處要求法官頒布命令召開大會，再喺大會通過就可以成立到法團，具體計劃仲傾緊，希望可以盡快向大家公佈
我查唔到土地審裁處有相似判例? 梁先生你有冇充份信心?
Cheung W.K.我無特別去查案例，呢類案件應該唔多(因為無幾多個屋苑用唔到第3、3A條)，當然上庭無人能百分百保證一定得，不過唔用呢個方法，美景應該唔可以成立到法團喇或者咁講，如果法院庭拒絕頌令，大家可以死咗條心，唔好再對法團有任何期望喇………不過有樣嘢大家可以放心，如果法庭唔頌令就開唔成大會，係唔會用到屋苑嘅錢，唔使擔心會嘥錢
梁志偉呢度真係油你答嘅?~? 我想知點解姓莊果女人唔做業主法團召集人?~?
sh000ing我又唔係咩特別人士，我都係喺度同大家分享吓一啲資訊，如果發現我講錯咩，記住唔好客氣，直接插我話我講錯，等業主可以得到正確嘅資料，拜託拜託……至於邊個做/唔做召集人，都係個人意願，而且做召集人亦唔代表啲乜，召集人係唔會直接過渡去法團管委會擔任任何職位
為甚麼你不參選業主委員會﹐ 反宜宣傳去辨立案法團﹖無見啟勝有通知有業主申請法團﹖
我係個人原因所以唔參選業委會，同搞唔搞法團無關，我個人意見，成立法團喺屋苑管理上係對業主較好以我所知，現時仲未開始收集簽名，所以啟勝唔會有任何公佈
李生說不會有機會成功成立業主法團因為不會有禁多業主出來投票梁生你只會浪費屋園既錢
邊位李生? 係咪李議員?係咪成立到法團係睇各業主嘅意願/法例要求，而唔係李生口up up………李生都曾經講過佢同部份業主成立嘅"關注組"會為業主監察大維修，咁最後結果係點呢？上星期業委選舉，係邊個掛晒橫額/擺晒檔/出晒傳單叫選人業委?佢係咪覺得一定會選到?最後係咪浪費屋苑嘅錢?我並唔係想針對任何人，只係以事論事，認為成立法團係好事，至於搞唔搞得成唔係我話事，係所有業主嘅決定
本網希望李志強議員企出來面對群眾三口六面說清楚。
我比較同意梁志偉的講法 不過可惜不知道你們何時可以真的做出來 業主委員會投票慘不忍睹 業主對投票一次一次更冷漠 在這些情況下 你們打算如何去提升業主對選舉業主立案法團的意慾 另外 我想弄清楚一件事 為什麼你說這次只是需要大約七百個業主支持就可以成立法團 以我所知 三年前有業主大會取得千多票都不能成立法團最後我想了解收集簽名的時段由何日開始到何日止 我支持你們做法團的業主但我想知道法團委員會不會又是這次選業主委員會的人
李兄，講真，我都知呢幾年好多風風雨雨，好多業主都覺得煩………可惜我現時真係話唔到俾你知具體嘅計劃，因為搞法團唔係一、兩個人嘅事，請見諒三年前搞法團嘅業主係用建築物管理條例第3條，呢條法例係要召集人收集5%業權(即約350戶)要求召開大會，再喺大會以不少於30%業權(即所有住宅業主投贊成都唔得)通過成立法團，所以最終失敗咗………至於咩人參選，呢點召集人都唔可以控制，基本上所有業主都可以參選，反而係作為業主嘅，到時喺候選人中選擇自己覺得適合嘅，之後再留意佢哋做嘅嘢係咪為屋苑好，如果認為個別委員有問題，可以按法例要求開大會罷免佢(當然希望大家有充分了解/理據先好用呢把尚方寶劍啦，否則只會變成意氣之爭，屋苑永無寧日)
如果連梁先生你都冇計劃ge話, 咁你又點可以令我有期望?
Cheung W.K.上面都講咗搞法團唔係一、兩個人嘅事，正如就算成立咗法團都唔會由一個人話事、想點就點，而係集體決定點做，如果計劃能夠落實，負責嘅團隊自然會通知大家，至於係咪應該對呢件事有期望，或者睇埋公佈嘅資料先決定都唔遲
CHI WAI GORI GIVE U ADVICELI議員ASK過民政署MAYKING NOW IS NO METHOD TO FORM法團GAU NOT TO老點WE業主LA
呢位人兄記憶所及，LI議員同民政署職員喺2010年成立法團嘅大會講過第3A條一定要嘗試以第3條成立法團失敗之後先用得(大約係咁意思啦)，但無論法例條文同民政署出嘅刊物都無咁講，咁你認為LI議員講嘅有幾可信呢？LI議員夠話佢搞嗰個關注組會幫業主監察大維修工程啦，咁呢個關注組做過咩呢？所以LI議員講乜都好，一句講晒………算把啦～講老點美景業主，比起某議員，小弟甘拜下風~~~
想瞭解下成立業主法團真係可以救返大維修□羊?如果啟勝□吾承認法團你豈不事白費功夫?成立業主法團會□吾會要用好多金錢?為甚麼□吾先做好業主委員會致做法團?
8座人:以美景現時嘅情況，成立法團同大維修可以話無咩關係，更加唔會係你口中嘅"救返"，一來工程已經開始咗，就算法團都唔可以推翻合約，二來成立法團係要時間嘅，如果真係以第4條嘅方法去搞，時間就更長，到成立到法團都有好多交接工作要做，喺大維修一事，法團起到嘅作用唔大，而且成立法團嘅目的並唔係搞大維修，適逢其會可以處理到當然係好，但法團主要作用係處理屋苑嘅管理事務法團係按照香港法例去成立嘅，唔到管理公司話承唔承認成立法團主要使費係搞業主大會，照管理處之前嘅講法，搞一次大會要用6萬幾，即係每戶三十零蚊法團同業委會係兩樣嘢，法團喺法例中有指明嘅權力，管理公司都要按法團指示去做(當然唔包括犯法嘢啦～)，但業委會只係公契所講嘅居民組織，並無任何權力(你有睇今日管理處張通告都應該好清楚)，加上法團成立需時，而且就算成立咗業委會，係咪好都唔知(亦唔知點界定)，所以根本唔需要"做好業委會"先，兩件事係完全獨立嘅，當然如果成立咗法團，業委會會即時解散啦～
見到網揭發9座的單位破爛得咁嚴重 , 梁先生你會怎樣協助業主 ？ 管理公司有無積極幫破壞地方維修 ？
現時比較有效嘅方法係透過管理處向承建商追究責任，我只能建議大家如果發現因工程失誤導致家居室內裝修/設備損毀，應盡快通知管理處，叫佢哋派人嚟睇及記錄在案，然後確認無錯就攞返個記錄副本，視乎損毀情度，決定叫承建商修補或自己搵人整完叫承建商作出金錢賠償，如果你有需要幫手寫文書，可以俾啲料我睇吓，我盡量幫你寫信俾承建商/管理處啦
李生指梁志偉未獲授權去攪法團你地要停止一切非法收集簽名既行動李生考慮申請禁制令梁志偉你等住收律師信
麻煩你幫我問李生應該獲邊個嘅授權先可以搞法團?收集簽名又犯咗邊條法例?邊一章嘅邊一節?禁制令?律師信? 我係咪要講好驚呀…………?
多口問多句，李生幾年前幫業主收集簽名時有無獲得授權?當年李生係咪協助業主非法收集簽名?真心請教
無知問﹐ 洗唔洗向警察申請至簽得名﹖
tongsss77@hot早幾年問過警方，佢哋話唔使嘅
如果今次你[們]能收集足夠簽名召開業主大會﹐又要幾多%小業主贊成至可以成立到法團公司﹖
tongsss77@hot以第4條要求法庭頒令召開會議，只要有足夠法定人數出席大會，並且以過半數通就可以成立法團，唔需要好似第3條咁有業權份數嘅要求，詳細開會嘅規則同成立法團嘅細則，會喺開大會前再向各位業主解釋
法定人數出席大會即是幾多﹖
tongsss77@hot根據建築物管理條例第4條第10節，法定人數為業主人數嘅10%，如果每個業主都只係持有一個單位，即係192個就夠
97戶好容易達標﹗
tongsss77@hot唔係咁計，如果有300個業主出席，過半數就係151，192只係法定人數令個會有效，過半數係要睇有幾多業主出席嘅
啟勝張經理奇實有無同意協助你地宣傳和提供方便?我覺得重有好多人不知道要簽名?琴日11座有d人重話簽了名既會比人秋後算帳※所以張經理言要宣傳多d※
6座業主D現時仲未有好具體嘅協定，不過張經理亦無話唔俾收集簽名始終尋日先開始，希望大家耐心等吓，有重要消息一定會盡快公佈真係咩人都有㗎，搞法團應該唔係壞事，但聽聞尋日有人收到通知搞法團封信後，向管理處投訴點解容許收集簽名~~~ 其實嗰啲人唔希望搞法團可以唔簽名支持，甚至喺大會投反對票，無須要去投訴吖，自己唔想搞就唔俾人搞，使唔使咁惡呀………………
我無幫簽反對我簽贊成成立
亞盧多謝支持!
點解之前余老太要用3A？ 如果4可以form到,李志強點解唔一早做？第3期業權更正好未？ [李議員做做下冇曬下文]點都好 我都簽佐比你.
大May余太只係搞咗一次，就係2010年頭嗰次，相信嗰陣無留意第三期業權嘅問題，所以佢係用第3條去成立，結果大家都知，而第3A條係嗰陣某議員話應該要用嘅，亦有業主嘗試去做，當然從理論上嚟講係得，但實際執行差唔多可以話係無可能，所以現時唯一仲有可能成立法團嘅方法只有第4條至於用第4條係咪一定得呢？我上面都講過，上到法庭無話百分百嘅，不過我哋問過何俊仁嘅意見，佢認為有得搞，橫掂無其他辦法，咪試埋呢次囉，而且要法庭頌令先可以開會，前期使嘅錢會較少，法庭唔批就亦唔會有太大嘅金錢損失，如果最後失敗都叫盡咗力，亦可以令大家知道只要法例唔改，美景係唔須要再諗住搞法團至於某議員點解唔做，睇怕佢自己先知道喇……………你問第三期業權更正返未……… 首先要搞清楚咩叫更正/更正啲乜，照我所知，當年第三期俾返政府之後，唔知係發展商定政府嘅人為失誤，只係登記咗交返俾政府嗰份業權，但無將嗰部份業權喺相關嘅地方(主要係共用部分同商場)修正喺土地註冊處嘅登記，搞到表面上好似有重複業權，但實際上唔可以話重複，只係登記有嘢未改(因為點屎波都好，當年仲係英國政府當家，業權交收嘅文件一定有做，而且登記得第三期嘅業權，肯定有文件講點計)，呢點係唔影響大家交嘅管理費/物業買賣，我無再做查冊，所以唔知改咗未，但無論改咗未，對成立法團都無咩影響，因為總業權份數唔會因為未改而變，而政府似乎亦唔會因為改返個登記就會派人出席大會，希望答到你嘅問題啦無論結果係點，都多謝你嘅支持
關於第三期業權錯漏可吾可以再解說得簡單D?第三期業權點解會影響左第3條失敗?我琴晚簽左名.
Terry最簡單嘅講法係業權轉移咗但有人做漏咗更改土地登記冊第三期業權有無做漏更改登記冊都唔係令第3條失敗嘅主因，第3期業權俾返政府之後，令到美景住宅部份嘅業權只係得返28.79%，達唔到法例要求嘅30%，而政府又唔派人出席業主大會投票，所以第3條喺美景係用唔到嘅至於叫政府派人出席大會，根據某議員所講，政府係拒絕咗嘅，詳細原因就唔記得啦
見到大巴站有人要求簽名支持成立業主法團把口話支持張表格明明有幾位細字寫住是`反對成立業主立案法團`好多未搞清楚的人簽了名比佢地
收集簽名嘅義工都有義工證，希望大家留意!
@BLK.8有啲咁嘅事?邊有啲咁PK嘅人㗎!
日後ge業主立案法團委員會要有幾多個委員組成? 除左主席之外仲有幾多個重要的職位? 主席係唔係都由業主直接選出泥? 任期幾耐? 如果成立左法團之後覺得有委員或者主席唔稱職ge話可唔可以炒佢魷魚? 同埋法團有冇日常ge開支洗費要業主分擔? 我考慮緊簽名比你地 ,不過我希望可以得到你地ge承諾 ,我希望有正派ge議員可以加入法團 ,仲有呢 ,我希望法團可以搞多d本地旅行活動同埋關注老人家健康ge活動.
青菜姐姐嘩，你問咁多嘢，希望我無答漏啦……以美景嘅情況，法團管委會最少要有9個委員，最終有幾多個係由業主喺大會上投票決定除咗主席，秘書同司庫係一定要有嘅，而秘書同司庫唔一定要係管委會委員，另外，喺業主大會由業主投票決定會唔會設立副主席一職管委會委員、主席、秘書、司庫、副主席(如果有嘅話)，全部都係由業主投票選出嚟，根據法例每隔一個業主周年大會就要重選，簡單嚟講大約兩年一任如果業主覺得以上管委會成員唔稱職，可以透過召開業主大會，由業主投票決定係咪撤換佢哋其實法團運作應該唔使好多錢，因為管委會委員係義工，唔會有薪金，雖然法例容許主席收車馬費，但金額唔多，而法團嘅角色係決定屋苑嘅管理方式，再指示管理處執行，理應唔會比未成立法團前用多好多錢上面講咗所有管委會成員係由業主投票選出嚟，而成員一定要係業主，議員並唔可以因為議員嘅身份而自動加入管委會，極其量只可以由當時嘅管委會邀請議員以顧問或其他身份向管委會提供意見或協助，所以我真係唔能夠保證會有正派議員加入(我保證到你仲驚，即係我可以操控投票結果，再控制管委會搵議員返嚟)，至於他日管委會會唔會搞文娛康樂活動，到時你或者其他業主向管委會建議，相信喺能力範圍內，佢哋都樂意去做(始終大家都係業主嘛)
我要邀請本區李志強區議員做業主委員會總座主席&立案法團主席＃
睇嚟你係李議員嘅die hard fans喎……你隨便邀請啦，不過得唔得就要你自己去問李議員喇，費事我答完有人唔滿意就唔好啦~~~
最少9個 o甘最多可以選幾個??
興仔呢個問題............條例無講過管委會可以最多有幾多人，只係話人數由業主喺大會上投票決定，所以我俾唔到確實答案俾你，唔好意思不過以我個人嚟講，管委會人數唔應該太多，試諗吓如果管委會有30人，一個項目每人講2分鐘都要成粒鐘，一次會要開幾耐？可以決定到幾多嘢？最多15-16個人已經夠晒，再多只會拉低效率.....
你是賴志偉? 梁志偉? 有人質疑你是美景關注組副主席?
小弟係梁志偉，賴志偉係籌備小組召集人美景關注組?你要問李議員喎………
如果屋苑由業主組成嘅法團做管理萬一出現入不敷支嘅情形-----會唔會要求小業主夾錢?法團可唔可以保證今後10年都唔洗再做大維修?
陸宅我唔肯定你講嘅係咪日常管理開支出現負數，如果係嘅話，其實現時第一期已經發生咗……………一般如果出現負數，都會透過加管理費去處理，唔知咁樣算唔算你所講嘅要求小業主夾錢?如果以上所講係你想問嘅嘢，我諗有/無法團都係一樣，反而如果你係擔心成立法團之後，管委會亂使法團嘅錢，當然我無辦法擔保會/唔會發生，但管委會要根據法例將做過嘅嘢作出記錄及向業主公佈，只要大家多留意管委會嘅報告、記錄，有問題即時提出，甚至透過正確程序將有問題嘅管委會委員撤換，咁你擔心嘅事會無咁容易發生，如果乜都唔理…………只可以話水能載舟，亦能覆舟，法團既能夠監管管理公司幫業主慳錢，亦有機會俾有心人有機可乘………唔好話法團，就算現時嘅管理公司都唔可以/會作出保證話未來十年唔使再做大維修，唔信你可以問吓張經理未來使唔使再做大維修，好睇今次大維修嘅承建商做得好唔好，以我所知，部分維修嘅物料有提供幾年嘅保證(確實年期要查返先知，你亦可以問吓管理處)，但工程就只係一、兩年保養/證，連收你錢嗰個都唔保證十年唔使再做，你要我保證好似有啲強人所難喎………………
補充少少，現時嘅籌備小組只係幫手搞法團，唔係代表小組成員等於他日嘅管委會委員，就算我向你保證都無用，莫講話我會唔會成為管委會委員都未知，就算我做埋主席都唔係話晒事，屋苑事務係由管委會經開會後投票決定，無一個人可以單純以個人意願去處理屋苑嘅事，所以如果有邊個向你保證話佢當選委員"一定做到乜乜乜"………你自已考慮信唔信啦~~~
梁生你地知唔知點解8座停哂工程架?
8座F好似話承建商有啲工業安全嘅問題，政府要求佢哋要解決咗先可以開工，幾時先搞掂就唔知喇………
業主立案法團會不會無疾而終???
點解咁問??????
好多人以為業主立案法團成員一定係義務形式服務大眾, 但其實法例也有規定他們可以收取一個很少數目的報酬的 (如冇記錯, 主席, 司庫, 秘書是每月每人 800, 其餘委員是每月每人 500), 梁志偉你會比嗎 ?
蔡小姐(H)根據現時法例，只有主席、副主席、秘書同司庫可以收取津貼，其他管委會委員係唔可以收嘅，而以美景嘅情況，最多可以每月收取$1200至於需唔需要俾/俾幾多，應該喺大會由業主投票決定，但唔可以多過$1200
點解法團知D會冇你份?莊勞輝乜水?
11座人點解無我份?因為我知啲唔知啲囉 : p講完笑，因為請返嚟嘅嘉賓夠份量，所以唔使我充撐場面，以我所知莊生對法團事務好有經驗，加埋民政處代表，應該可以令大家對法團會有多啲了解，我到時都會出席學吓嘢 : )
我間屋有17處漏水地方我可以點做？廚房裂開又滲水睡房濕到透1/3地板浸到爛我要點羊追討？
李小姐，如果發現因為維修工程施工問題引致室內裝修/設備破損，應該盡快通知管理處，要求管理處職員連同承建商負責人上嚟睇吓邊啲地方有問題，作出記錄，雙方確認損毀項目之後，各自保留一份，視乎損毀程度，可以考慮要求承建商修補或者作出金錢賠償(建議最好用書面作出要求，他日需要以法律途徑追討時有用)，如果雙方對損毀係咪由於施工不當做成，可能需要搵公證行嚟睇(最好係自己搵，只要最後證明到係承建商問題就claim埋佢搵公證行嘅費用，最好唔好用承建商嘅公證行………………)
法團星期五我會尼支持
多謝你嘅支持
我住11座,去年5月大裝修過,最近幫襯樓下鋪換左水表後喉,黑雨後發現地大廳楓木地板不斷滲水木邊現黑,應該關邊個事//?法團知多D要不要報名//? 如果我出席反映大維修問題得嗎//?
嘉嘉，你換錶後水喉嗰陣有無郁過室內啲喉?無嘅未必關事喎，我諗你都係搵管理處嘅人上嚟睇吓啦唔使報名㗎其實上面都講過，今次搞法團同大維修無咩關係，現時大維修問題應該搵管理處，不過如果你需要搵人幫手，可以試吓同尹議員/維修小組成員講吓
李議員話用344~4要得到政府批准,大業主唔會配合,咁你地會唔會又得個[攪]勞民傷財?.李議員指梁志偉對佢唔禮貌欠尊重,亞梁你係未想選下屆區議員?.
業委屈，我唔知李議員所謂嘅"批准"係咩意思，根據第4條，收集到足夠簽名後係要向土地審裁處要求法庭頒令召開大會，如果法庭真係頒令，即係所有程序係合符法例要求，到時大會照開，大業主配唔配合都係咁，上次余太搞嗰次大業主都無投票啦，最近開咗兩次選業委都流會，咁又算唔算勞民傷財呢？唔尊重?我點樣唔尊重法?要人尊重唔係靠身份嘅，係要做嘅嘢令人覺得佢值得人哋尊重先得………區議員?可能有人覺得做區議員好威，但我真係無乜興趣，你叫李議員放心，我唔會同佢爭嘅………議員喎…………
係米今晚選法團？
珊，今晚唔係選法團，只係希望令大家了解法團多啲嘅座談會/講解會啫，選法團係要召開業主大會㗎
我聽完你地個會 , 我依然唔係好明 , 究竟你地以後法團可唔可以炒啟勝魷魚?
豹哥，先講返法例要求，嗰晚莊生講得好清楚，由於啟勝係公契經理人，如果要炒佢就要根據建築物管理條例附表7去做，管委會需要召開業主大會，而大會上投票炒啟勝嘅業主要有不少於50%業權，喺呢度"不少於50%業權"係指需要交管理費嘅業權，即係包括商場部份，基本上唔係話無可能，不過都唔易其實如果成立到法團，屋苑管理係由管委會話事，管理公司只係聽管委會指令去做，喺咁嘅情況下，我又覺得無咩需要炒啟勝囉…………
果晚尹兆堅區議員講又要入品土審搵法官乜乜東咁判？李志強議員話梁志偉你上一次入土審都輸曬
8座的業主，現時籌備小組召集人係打算用第4條嘅方法去成立法團，呢個方法係要向土地審裁處申請，如果法庭無問題就會發出召開業主大會嘅命令，所以都可以話要等法官判嘅……李議員真係咁講? 其實所有法庭嘅案件都係獨立去睇，唔會話邊個上次輸咗所以今次都會輸，如果你有興趣可以上網搵吓，啟勝喺土地審裁處嘅案件都係有贏有輸㗎，作為議員無理由會有咁嘅諗法咁低B喎………係咪你誤會咗李議員嘅意思咋………題外話，今次去土審申請嘅唔係我，就算我上次輸咗都唔會對今次嘅申請有任何影響，大家可以放心
潘Sir俾工人打事係唔係真?
亞江，潘生係同啲工人有衝突，但我又無聽到佢係俾人打喎………
法團幾時開業權大會?
亞江，其實嗰晚賴生都有講過，如果收夠10%業權支持，就可以向土審申請，呢個程序需要法庭排期，由入紙到真係頒令(如果順利嘅話)大約都要3-4個月，之後要搵場地、出通告，快極都要一個月，所以賴生都講咗成立法團可能要用8-9個月時間
今日磚投票結果點?
管理處出咗通告啦，第三個選擇吖嘛
法團攪成點? 無曬聲氣?
羅業主，現時仲收集緊簽名，同時亦跟進緊一啲有問題嘅簽名，如果有進一步消息，一定會通知大家嘅
想問我們第1期幾時完工﹖
10座的人，聽維修小組嘅人講，第一期工程(即係第5、7、9、11同12座)可能年尾至下年年初先完工，第二期(即第6、8、10座)應該會再遲啲………………你想要確實啲嘅答案，或者問管理處會好啲
我屋企有4部冷氣今日試開廳2部刀瓜柴我有毋辦法追討？
12座業主W.C.W.，有無同管理處講?我建議你叫管理處搵埋輝煌啲人上嚟睇吓部冷氣機嘅死因係乜，可以嘅話影埋相，視乎死因再決定係咪應該追討
簽名站梁太up搭竹棚公司收唔到$$$令第1期其中兩棟要停工真訂假？
T.K.Y.@@，我有聽過，但唔知真定假反而輝煌曾經多次因施工安全問題俾政府要求停工就真有其事
要舉報法團D人上門收集簽名
以我所知，籌備小組無組織過上門家訪嘅行動另外，你如果需要投訴，應該先同管理處講，由管理處同籌備小組商討有關問題
我住9座 今早上開窗 乘個窗框甩出尼落地 玻璃爛碎 幸運無跌落街 管理員尼影相 話吾關維修引起事 我要入紙投訴
9座不滿業主，窗框甩落嚟………!好誇張喎，咁輝煌點講?
冇錯 乘個窗框甩落尼 佢地話系我窗邊石屎殘缺 吾關維修引起
9座不滿業主，咁你有無搵裝修C傅睇過？
樓上C兄你好小事,我有晚收工返屋企,細廳個窗直頭成只唔見佐,衝去實Q室投訴,佢地話唔知有咁嘅事．
勞氣人，C兄，你隻窗直頭唔見咗?係飛咗落街定點?如果飛落街管理處無理由唔知/唔報警喎………如果無飛落街，咁隻窗去咗邊?俾人拆走咗?????
梁志偉大隊收集法團簽名有無效果？你地霸住公共地方好耐雖然我是支持法團不過都覺得你地有的的阻住
macy.wong@blk.11，希望你諒解收集700個簽名唔係咁容易嘅事，籌備小組已經盡量將街站設喺唔太阻礙通道嘅地方，據我了解，現時已經接近目標，相信街站唔會再擺好耐，有新消息會盡快向大家公布
梁生 我系一般家庭 有在學仔女 有老人家要養 我一個做工 已申請屋宇處有利息貨款 獲批 但想問而家因為D窗太殘 我想換過D新 吾知政府重有冇一D補助或者貨款計劃可以幫到我﹖
9座不滿業主,除咗屋宇署嘅樓宇安全貸款，有業主問過市建局，另外有個家居維修免息貸款計劃， 最多可以借5萬蚊不過要留意幾樣嘢：1. 一定要喺維修工程開始前申請(期間市建局會派人上門睇吓維修項目係咪有需要)2. 貸款會喺工程完成後先入落借款人戶口(即係要自己俾咗錢先)3. 如果借款人有其他貸款，會視乎還款能力決定借幾多(即係有機會借唔足)申請表格都係你之前申請樓宇安全貸款嗰張
梁志偉你有收過通告-錶後水喉-要錢室內水喉-又要錢但係我想問室內水喉藏在地板下面-點同我換?
室內水喉?今次維修(無論係錶前定錶後)都應該唔會整室內水喉喎…………
室內水喉?今次大維修無論係錶前定錶後都應該唔會整室內水喉喎，你係咪誤會咗呀?
梁志偉你6座為甚麼一路停工/?是不因為你組法團/?
占美，應該唔關事，一來我唔係小組召集人，二來義工咁多座都有，我諗係輝煌安排唔到人手做嘢啫………
又見到你個法團簽名收集站開美食大會都唔知你弟有毛稿錯正經O野唔做晚晚開餐投訴你梁志偉
有不滿的人，我唔清楚你講嘅美食大會，請問啲義工有無整污糟啲地方?啲義工都係人，都要食飯卦………
保安部電話無法接通,我單位入晒水,點算好？
我間屋有6個地方漏緊水管理公司話人手不足叫我自己接水先
我廳房都漏緊水，有無人幫到我? 大堂保安無人在．
可唔可以講下你地係邊一座
各位業主我9座漏水好嚴重根本冇人理求助冇門
李志強點解唔過來睇下班小業主漏水幾慘﹖我床都濕曬·
其實係咪得579先係咁,我親戚住12座乜事都冇喎
邊個話 , 我住12座13樓 , 今晚一樣有水災 , 幾只窗滲漏得好西利 , 地板都濕 .
雖然6座未整,但我果邊既窗都有小小舊,大雨當風果陣都會有d水流左入黎想問下你果到整外牆果陣有冇打穿到?
有﹐不過補左防漏泥照樣漏水·
你入水 我漏水佢滲水{人哋就收水 }
我今晚跑去控制室幾次我表明我屋企入side水可惜完全冇得到合理協助梁志偉你與本邨經理熟悉你可以為小業主發聲投訴嗎?
好火滾我不明白點會漏成o甘我個層3個單位漏晒水
我仲慘，廚房地台出現1CM水浸.............
C兄你地好平常,我家姐重大件事,
D水入晒房............
低層?
滴水滴左1晚,冇人尼整,&^%^$#$@
唔落雨先算啦,一落雨d工人自動收工...
梁志偉你吾好攪到de人針對管業
法團可不協助我追究黃雨引至既損失？
我想搵業委何太為我們小業主向啟勝管理協調大維修投訴0既事,梁生你籌委法團我好滿意.
李生話梁志偉系法團幕後策動人
梁生我想知道依家業主法團進展如何?
落親雨就入水好煩~
今日abt.14;30pm, 9座高層有竹棚鬆脫, 嚇壞幾個單位業主‧
係加竹落去定一開始果d先?
係原先個棚
樓上咁多位業主，小弟病咗成個星期(其實係仲病緊……)，我都聽到啲街坊話漏水情況嚴重，現時只可以向管理處反映，等佢哋叫輝煌搞返掂佢，至於因漏水引致嘅損失，需要個別業主向輝煌追討，就算他日成立咗法團都唔可以代為追討室內嘅損失
有關籌備法團嘅事，有啲資料交咗俾律師睇，等佢哋俾意見再決定進一步嘅程序
昨晚大雨沖甩咗前兩日至新舖上去嘅防水英泥D水又湧入屋
其實牆身未乾，咁做防水都唔知有無用........
落雨天氣 做防水, 我都係第一次見
啟勝出通告今次黑雨有200幾個累積投訴
有出過通告咩?
我們有甚麼渠道知道法團進度?
收集簽名行動會去到今個月尾，遲啲應該會有新嘅公佈，由於今次涉及法律程序，所以行每一步都要好小心，當確認簽名無問題及有足夠業權之後，籌備小組會按情況公佈最新嘅進度(當然無嘢發生就無嘢可以公布啦)，如果有問題，都可以聯絡小組召集人
今日見到做修漏水工人差錯腳 ,我嚇到個心停一停 ‧
個工人有無戴安全帶?
封冷氣機之前check過冇問題，拆封之後開到機但冇冷氣嘈音好大，我老公搵過管理員入屋睇，佢話係我家問題，叫我地自己搵師傅來整，咁我應唔應該自己搵人搞？
係座頭定專門負責處理大維修問題嘅職員?有無叫埋輝煌嘅人嚟睇?
牆身仍然有水滲出尼好多蚊仔飛來飛去
我嗰度未開始工程，但因為潮濕，啲牆身發霉..........
李志強工作報告梗樣寫如果達成唔到寄話可唔可以追鳩佢GA???????
如果有工程上嘅問題，都係搵管理處問清楚好啲，議員工作報告睇完得個知字就算.....講真，議員都係聽管理處講，相信佢都唔敢保證真係可以做到........
我對面單位有1/4幅牆碎爛但係個業主長期居住澳門可能O吾知到出事
工人做防水冇順便整返咩?
有無幫佢同管理處講?
承建搵唔到二判肯接做鋁窗 , ching有無好介紹 ?
無呀，我擔心換完之後，輝煌啲工人唔小心整爛，到時又要再整過..........
[法團召集人]與[法團籌備小組召集人]在法律程序上有什麼分別?-
不明人,如果用第4條成立法團，業主係委任一個代表去土審申請召開大會，法官認為無問題嘅話就會發出命令，指明一位業主召開大會(即係業主大會召集人，唔係法團召集人)議決係咪成立法團至於法團籌備小組召集人並唔係根據咩法例委任嘅，亦無咩特別嘅權力，只係一班有心籌組法團嘅業主眾埋一齊去做嘢，基於蛇無頭不行，所以推舉一位業主作為召集人，處理同管理處溝通、以及向土審作出申請嘅工作，雖然無咩特權，但當然要得到義工嘅信任先做得啦
梁志偉你縮埋喺後面搞鬼搞怪
FB666,請問我點樣縮埋喺後面搞鬼搞怪？我又搞咗啲咩呢？
會不會爛美？
你指大維修？我都唔知..........
賴志偉劈炮???????
無啲咁嘅事，你聽邊個講㗎？
團購搞手遭受恐嚇
團購？邊個俾人恐嚇？如果有需要應該報警喎
屋宇部門早上巡過7/9/10/12座
咁知唔知有無問題？
法團幾時再有公布?
其實5,7,9座應7月左右會拆冷氣, 封板.砌磚等事宜其實最擔心係暑假拆哂冷氣問題
好彩6 8 10 11 12冇冷氣機台,如果唔係全園肯定暴動都似
法團幾時開始投票?
法團真係衰左????網站毛喇喇執笠嘅????好可惜．
新報唔公道無提尹兆賢議員講梁先生你知唔知尼個報導？
查實而家成立左法團未?
呢幾年泥我對業主委員會好失望, 琴日我都冇去到投票, 睇左你地今日派ge信件再上泥呢個網望下先知道你地又想成立法團, 不過我覺得唔會成立得到, 我見到你地今次好有理想去做, 但係你地有冇諗過一條可以成功ge路? 如果只係放張台叫人簽名ge話, 我都冇興趣幫你地簽, 因為我完全唔知道你地會點做? 又唔知道你地有咩計劃, 我唔想又見到另一次ge失敗, 梁先生你會點樣答我呢? 同埋我想知道今次成立法團ge方法同以往有乜野分別? 點解你知道以前唔得今次又會得呢?
回覆刪除Cheung W.K.
刪除或者咁講，有法團都唔係萬能，但有法團嘅話，業主先可以按業主意願去決定屋苑嘅管理方針，而且有咩問題都有較明確嘅法例去解決，唔係好似宜家咁，俾公契一啲唔合理/古怪嘅條款，令到業主想改變屋苑管理都無辦法，只係由管理公司話晒事，我明白呢幾年美景的確面對咗好多風風雨雨，但成立法團對屋苑管理嘅長遠發展點都係好嘅，我都希望呢次可以成功
以往成立唔到法團，係因為引用咗"建築物管理條例"第3、3A條，呢兩條對業權嘅要求，喺美景係做唔到/好難做到
至於今次係咪成立到，都要睇各業主係咪支持，由於美景嘅情況比較特別，香港應該無幾多個屋苑會好似美景咁難成立法團，現時要成立法團，按照法例只係得"建築物管理條例"第4條係可行嘅，按呢條法例，召集人要收集10%業權嘅業主(大約700戶)支持召開成立法團嘅大會，之後向土地審裁處要求法官頒布命令召開大會，再喺大會通過就可以成立到法團，具體計劃仲傾緊，希望可以盡快向大家公佈
我查唔到土地審裁處有相似判例? 梁先生你有冇充份信心?
刪除Cheung W.K.
刪除我無特別去查案例，呢類案件應該唔多(因為無幾多個屋苑用唔到第3、3A條)，當然上庭無人能百分百保證一定得，不過唔用呢個方法，美景應該唔可以成立到法團喇
或者咁講，如果法院庭拒絕頌令，大家可以死咗條心，唔好再對法團有任何期望喇………
不過有樣嘢大家可以放心，如果法庭唔頌令就開唔成大會，係唔會用到屋苑嘅錢，唔使擔心會嘥錢
梁志偉呢度真係油你答嘅?~?
回覆刪除我想知點解姓莊果女人唔做業主法團召集人?~?
sh000ing
刪除我又唔係咩特別人士，我都係喺度同大家分享吓一啲資訊，如果發現我講錯咩，記住唔好客氣，直接插我話我講錯，等業主可以得到正確嘅資料，拜託拜託……
至於邊個做/唔做召集人，都係個人意願，而且做召集人亦唔代表啲乜，召集人係唔會直接過渡去法團管委會擔任任何職位
為甚麼你不參選業主委員會﹐ 反宜宣傳去辨立案法團﹖
回覆刪除無見啟勝有通知有業主申請法團﹖
我係個人原因所以唔參選業委會，同搞唔搞法團無關，我個人意見，成立法團喺屋苑管理上係對業主較好
刪除以我所知，現時仲未開始收集簽名，所以啟勝唔會有任何公佈
李生說不會有機會成功成立業主法團
回覆刪除因為不會有禁多業主出來投票
梁生你只會浪費屋園既錢
邊位李生? 係咪李議員?
刪除係咪成立到法團係睇各業主嘅意願/法例要求，而唔係李生口up up………
李生都曾經講過佢同部份業主成立嘅"關注組"會為業主監察大維修，咁最後結果係點呢？
上星期業委選舉，係邊個掛晒橫額/擺晒檔/出晒傳單叫選人業委?佢係咪覺得一定會選到?最後係咪浪費屋苑嘅錢?
我並唔係想針對任何人，只係以事論事，認為成立法團係好事，至於搞唔搞得成唔係我話事，係所有業主嘅決定
本網希望李志強議員企出來面對群眾三口六面說清楚。
刪除我比較同意梁志偉的講法 不過可惜不知道你們何時可以真的做出來 業主委員會投票慘不忍睹 業主對投票一次一次更冷漠 在這些情況下 你們打算如何去提升業主對選舉業主立案法團的意慾 另外 我想弄清楚一件事 為什麼你說這次只是需要大約七百個業主支持就可以成立法團 以我所知 三年前有業主大會取得千多票都不能成立法團
回覆刪除最後我想了解收集簽名的時段由何日開始到何日止 我支持你們做法團的業主但我想知道法團委員會不會又是這次選業主委員會的人
李兄，
刪除講真，我都知呢幾年好多風風雨雨，好多業主都覺得煩………可惜我現時真係話唔到俾你知具體嘅計劃，因為搞法團唔係一、兩個人嘅事，請見諒
三年前搞法團嘅業主係用建築物管理條例第3條，呢條法例係要召集人收集5%業權(即約350戶)要求召開大會，再喺大會以不少於30%業權(即所有住宅業主投贊成都唔得)通過成立法團，所以最終失敗咗………
至於咩人參選，呢點召集人都唔可以控制，基本上所有業主都可以參選，反而係作為業主嘅，到時喺候選人中選擇自己覺得適合嘅，之後再留意佢哋做嘅嘢係咪為屋苑好，如果認為個別委員有問題，可以按法例要求開大會罷免佢(當然希望大家有充分了解/理據先好用呢把尚方寶劍啦，否則只會變成意氣之爭，屋苑永無寧日)
如果連梁先生你都冇計劃ge話, 咁你又點可以令我有期望?
回覆刪除Cheung W.K.
刪除上面都講咗搞法團唔係一、兩個人嘅事，正如就算成立咗法團都唔會由一個人話事、想點就點，而係集體決定點做，如果計劃能夠落實，負責嘅團隊自然會通知大家，至於係咪應該對呢件事有期望，或者睇埋公佈嘅資料先決定都唔遲
CHI WAI GOR
回覆刪除I GIVE U ADVICE
LI議員ASK過民政署
MAYKING NOW IS NO METHOD TO FORM法團GA
U NOT TO老點WE業主LA
呢位人兄
刪除記憶所及，LI議員同民政署職員喺2010年成立法團嘅大會講過第3A條一定要嘗試以第3條成立法團失敗之後先用得(大約係咁意思啦)，但無論法例條文同民政署出嘅刊物都無咁講，咁你認為LI議員講嘅有幾可信呢？
LI議員夠話佢搞嗰個關注組會幫業主監察大維修工程啦，咁呢個關注組做過咩呢？所以LI議員講乜都好，一句講晒………算把啦～
講老點美景業主，比起某議員，小弟甘拜下風~~~
想瞭解下成立業主法團真係可以救返大維修□羊?
回覆刪除如果啟勝□吾承認法團你豈不事白費功夫?
成立業主法團會□吾會要用好多金錢?
為甚麼□吾先做好業主委員會致做法團?
8座人:
刪除以美景現時嘅情況，成立法團同大維修可以話無咩關係，更加唔會係你口中嘅"救返"，一來工程已經開始咗，就算法團都唔可以推翻合約，二來成立法團係要時間嘅，如果真係以第4條嘅方法去搞，時間就更長，到成立到法團都有好多交接工作要做，喺大維修一事，法團起到嘅作用唔大，而且成立法團嘅目的並唔係搞大維修，適逢其會可以處理到當然係好，但法團主要作用係處理屋苑嘅管理事務
法團係按照香港法例去成立嘅，唔到管理公司話承唔承認
成立法團主要使費係搞業主大會，照管理處之前嘅講法，搞一次大會要用6萬幾，即係每戶三十零蚊
法團同業委會係兩樣嘢，法團喺法例中有指明嘅權力，管理公司都要按法團指示去做(當然唔包括犯法嘢啦～)，但業委會只係公契所講嘅居民組織，並無任何權力(你有睇今日管理處張通告都應該好清楚)，加上法團成立需時，而且就算成立咗業委會，係咪好都唔知(亦唔知點界定)，所以根本唔需要"做好業委會"先，兩件事係完全獨立嘅，當然如果成立咗法團，業委會會即時解散啦～
見到網揭發9座的單位破爛得咁嚴重 , 梁先生你會怎樣協助業主 ？ 管理公司有無積極幫破壞地方維修 ？
回覆刪除現時比較有效嘅方法係透過管理處向承建商追究責任，我只能建議大家如果發現因工程失誤導致家居室內裝修/設備損毀，應盡快通知管理處，叫佢哋派人嚟睇及記錄在案，然後確認無錯就攞返個記錄副本，視乎損毀情度，決定叫承建商修補或自己搵人整完叫承建商作出金錢賠償，如果你有需要幫手寫文書，可以俾啲料我睇吓，我盡量幫你寫信俾承建商/管理處啦
刪除李生指梁志偉未獲授權去攪法團
回覆刪除你地要停止一切非法收集簽名既行動
李生考慮申請禁制令
梁志偉你等住收律師信
麻煩你幫我問李生應該獲邊個嘅授權先可以搞法團?
刪除收集簽名又犯咗邊條法例?邊一章嘅邊一節?
禁制令?律師信? 我係咪要講好驚呀…………?
多口問多句，李生幾年前幫業主收集簽名時有無獲得授權?當年李生係咪協助業主非法收集簽名?
刪除真心請教
無知問﹐
刪除洗唔洗向警察申請至簽得名﹖
tongsss77@hot
刪除早幾年問過警方，佢哋話唔使嘅
如果今次你[們]能收集足夠簽名召開業主大會﹐
回覆刪除又要幾多%小業主贊成至可以成立到法團公司﹖
tongsss77@hot
刪除以第4條要求法庭頒令召開會議，只要有足夠法定人數出席大會，並且以過半數通就可以成立法團，唔需要好似第3條咁有業權份數嘅要求，詳細開會嘅規則同成立法團嘅細則，會喺開大會前再向各位業主解釋
法定人數出席大會即是幾多﹖
回覆刪除tongsss77@hot
刪除根據建築物管理條例第4條第10節，法定人數為業主人數嘅10%，如果每個業主都只係持有一個單位，即係192個就夠
97戶好容易達標﹗
回覆刪除tongsss77@hot
刪除唔係咁計，如果有300個業主出席，過半數就係151，192只係法定人數令個會有效，過半數係要睇有幾多業主出席嘅
啟勝張經理奇實有無同意協助你地宣傳和提供方便?
回覆刪除我覺得重有好多人不知道要簽名?
琴日11座有d人重話簽了名既會比人秋後算帳※
所以張經理言要宣傳多d※
6座業主D
回覆刪除現時仲未有好具體嘅協定，不過張經理亦無話唔俾收集簽名
始終尋日先開始，希望大家耐心等吓，有重要消息一定會盡快公佈
真係咩人都有㗎，搞法團應該唔係壞事，但聽聞尋日有人收到通知搞法團封信後，向管理處投訴點解容許收集簽名~~~ 其實嗰啲人唔希望搞法團可以唔簽名支持，甚至喺大會投反對票，無須要去投訴吖，自己唔想搞就唔俾人搞，使唔使咁惡呀………………
我無幫簽反對
回覆刪除我簽贊成成立
亞盧
刪除多謝支持!
點解之前余老太要用3A？ 如果4可以form到,李志強點解唔一早做？第3期業權更正好未？ [李議員做做下冇曬下文]
回覆刪除點都好 我都簽佐比你.
大May
回覆刪除余太只係搞咗一次，就係2010年頭嗰次，相信嗰陣無留意第三期業權嘅問題，所以佢係用第3條去成立，結果大家都知，而第3A條係嗰陣某議員話應該要用嘅，亦有業主嘗試去做，當然從理論上嚟講係得，但實際執行差唔多可以話係無可能，所以現時唯一仲有可能成立法團嘅方法只有第4條
至於用第4條係咪一定得呢？我上面都講過，上到法庭無話百分百嘅，不過我哋問過何俊仁嘅意見，佢認為有得搞，橫掂無其他辦法，咪試埋呢次囉，而且要法庭頌令先可以開會，前期使嘅錢會較少，法庭唔批就亦唔會有太大嘅金錢損失，如果最後失敗都叫盡咗力，亦可以令大家知道只要法例唔改，美景係唔須要再諗住搞法團
至於某議員點解唔做，睇怕佢自己先知道喇……………
你問第三期業權更正返未……… 首先要搞清楚咩叫更正/更正啲乜，照我所知，當年第三期俾返政府之後，唔知係發展商定政府嘅人為失誤，只係登記咗交返俾政府嗰份業權，但無將嗰部份業權喺相關嘅地方(主要係共用部分同商場)修正喺土地註冊處嘅登記，搞到表面上好似有重複業權，但實際上唔可以話重複，只係登記有嘢未改(因為點屎波都好，當年仲係英國政府當家，業權交收嘅文件一定有做，而且登記得第三期嘅業權，肯定有文件講點計)，呢點係唔影響大家交嘅管理費/物業買賣，我無再做查冊，所以唔知改咗未，但無論改咗未，對成立法團都無咩影響，因為總業權份數唔會因為未改而變，而政府似乎亦唔會因為改返個登記就會派人出席大會，希望答到你嘅問題啦
無論結果係點，都多謝你嘅支持
關於第三期業權錯漏可吾可以再解說得簡單D?
回覆刪除第三期業權點解會影響左第3條失敗?
我琴晚簽左名.
Terry
刪除最簡單嘅講法係業權轉移咗但有人做漏咗更改土地登記冊
第三期業權有無做漏更改登記冊都唔係令第3條失敗嘅主因，第3期業權俾返政府之後，令到美景住宅部份嘅業權只係得返28.79%，達唔到法例要求嘅30%，而政府又唔派人出席業主大會投票，所以第3條喺美景係用唔到嘅
至於叫政府派人出席大會，根據某議員所講，政府係拒絕咗嘅，詳細原因就唔記得啦
見到大巴站有人要求簽名支持成立業主法團
回覆刪除把口話支持
張表格明明有幾位細字寫住是`反對成立業主立案法團`
好多未搞清楚的人簽了名比佢地
收集簽名嘅義工都有義工證，希望大家留意!
刪除@BLK.8
回覆刪除有啲咁嘅事?
邊有啲咁PK嘅人㗎!
日後ge業主立案法團委員會要有幾多個委員組成? 除左主席之外仲有幾多個重要的職位? 主席係唔係都由業主直接選出泥? 任期幾耐? 如果成立左法團之後覺得有委員或者主席唔稱職ge話可唔可以炒佢魷魚? 同埋法團有冇日常ge開支洗費要業主分擔?
回覆刪除我考慮緊簽名比你地 ,不過我希望可以得到你地ge承諾 ,我希望有正派ge議員可以加入法團 ,仲有呢 ,我希望法團可以搞多d本地旅行活動同埋關注老人家健康ge活動.
青菜姐姐
刪除嘩，你問咁多嘢，希望我無答漏啦……
以美景嘅情況，法團管委會最少要有9個委員，最終有幾多個係由業主喺大會上投票決定
除咗主席，秘書同司庫係一定要有嘅，而秘書同司庫唔一定要係管委會委員，另外，喺業主大會由業主投票決定會唔會設立副主席一職
管委會委員、主席、秘書、司庫、副主席(如果有嘅話)，全部都係由業主投票選出嚟，根據法例每隔一個業主周年大會就要重選，簡單嚟講大約兩年一任
如果業主覺得以上管委會成員唔稱職，可以透過召開業主大會，由業主投票決定係咪撤換佢哋
其實法團運作應該唔使好多錢，因為管委會委員係義工，唔會有薪金，雖然法例容許主席收車馬費，但金額唔多，而法團嘅角色係決定屋苑嘅管理方式，再指示管理處執行，理應唔會比未成立法團前用多好多錢
上面講咗所有管委會成員係由業主投票選出嚟，而成員一定要係業主，議員並唔可以因為議員嘅身份而自動加入管委會，極其量只可以由當時嘅管委會邀請議員以顧問或其他身份向管委會提供意見或協助，所以我真係唔能夠保證會有正派議員加入(我保證到你仲驚，即係我可以操控投票結果，再控制管委會搵議員返嚟)，至於他日管委會會唔會搞文娛康樂活動，到時你或者其他業主向管委會建議，相信喺能力範圍內，佢哋都樂意去做(始終大家都係業主嘛)
我要邀請本區李志強區議員做業主委員會總座主席&立案法團主席＃
回覆刪除睇嚟你係李議員嘅die hard fans喎……
刪除你隨便邀請啦，不過得唔得就要你自己去問李議員喇，費事我答完有人唔滿意就唔好啦~~~
最少9個 o甘最多可以選幾個??
回覆刪除興仔
刪除呢個問題............
條例無講過管委會可以最多有幾多人，只係話人數由業主喺大會上投票決定，所以我俾唔到確實答案俾你，唔好意思
不過以我個人嚟講，管委會人數唔應該太多，試諗吓如果管委會有30人，一個項目每人講2分鐘都要成粒鐘，一次會要開幾耐？可以決定到幾多嘢
？最多15-16個人已經夠晒，再多只會拉低效率.....
你是賴志偉? 梁志偉? 有人質疑你是美景關注組副主席?
回覆刪除小弟係梁志偉，賴志偉係籌備小組召集人
回覆刪除美景關注組?你要問李議員喎………
如果屋苑由業主組成嘅法團做管理
回覆刪除萬一出現入不敷支嘅情形-----
會唔會要求小業主夾錢?
法團可唔可以保證今後10年都唔洗再做大維修?
陸宅
刪除我唔肯定你講嘅係咪日常管理開支出現負數，如果係嘅話，其實現時第一期已經發生咗……………
一般如果出現負數，都會透過加管理費去處理，唔知咁樣算唔算你所講嘅要求小業主夾錢?
如果以上所講係你想問嘅嘢，我諗有/無法團都係一樣，反而如果你係擔心成立法團之後，管委會亂使法團嘅錢，當然我無辦法擔保會/唔會發生，但管委會要根據法例將做過嘅嘢作出記錄及向業主公佈，只要大家多留意管委會嘅報告、記錄，有問題即時提出，甚至透過正確程序將有問題嘅管委會委員撤換，咁你擔心嘅事會無咁容易發生，如果乜都唔理…………只可以話水能載舟，亦能覆舟，法團既能夠監管管理公司幫業主慳錢，亦有機會俾有心人有機可乘………
唔好話法團，就算現時嘅管理公司都唔可以/會作出保證話未來十年唔使再做大維修，唔信你可以問吓張經理
未來使唔使再做大維修，好睇今次大維修嘅承建商做得好唔好，以我所知，部分維修嘅物料有提供幾年嘅保證(確實年期要查返先知，你亦可以問吓管理處)，但工程就只係一、兩年保養/證，連收你錢嗰個都唔保證十年唔使再做，你要我保證好似有啲強人所難喎………………
補充少少，現時嘅籌備小組只係幫手搞法團，唔係代表小組成員等於他日嘅管委會委員，就算我向你保證都無用，莫講話我會唔會成為管委會委員都未知，就算我做埋主席都唔係話晒事，屋苑事務係由管委會經開會後投票決定，無一個人可以單純以個人意願去處理屋苑嘅事，所以如果有邊個向你保證話佢當選委員"一定做到乜乜乜"………你自已考慮信唔信啦~~~
刪除梁生你地知唔知點解8座停哂工程架?
回覆刪除8座F
刪除好似話承建商有啲工業安全嘅問題，政府要求佢哋要解決咗先可以開工，幾時先搞掂就唔知喇………
業主立案法團會不會無疾而終???
回覆刪除點解咁問??????
刪除好多人以為業主立案法團成員一定係義務形式服務大眾, 但其實法例也有規定他們可以收取一個很少數目的報酬的 (如冇記錯, 主席, 司庫, 秘書是每月每人 800, 其餘委員是每月每人 500), 梁志偉你會比嗎 ?
回覆刪除蔡小姐(H)
刪除根據現時法例，只有主席、副主席、秘書同司庫可以收取津貼，其他管委會委員係唔可以收嘅，而以美景嘅情況，最多可以每月收取$1200
至於需唔需要俾/俾幾多，應該喺大會由業主投票決定，但唔可以多過$1200
點解法團知D會冇你份?
回覆刪除莊勞輝乜水?
11座人
刪除點解無我份?
因為我知啲唔知啲囉 : p
講完笑，因為請返嚟嘅嘉賓夠份量，
所以唔使我充撐場面，
以我所知莊生對法團事務好有經驗，
加埋民政處代表，
應該可以令大家對法團會有多啲了解，
我到時都會出席學吓嘢 : )
我間屋有17處漏水地方
回覆刪除我可以點做？
廚房裂開又滲水
睡房濕到透
1/3地板浸到爛
我要點羊追討？
李小姐，
刪除如果發現因為維修工程施工問題引致室內裝修/設備破損，應該盡快通知管理處，要求管理處職員連同承建商負責人上嚟睇吓邊啲地方有問題，作出記錄，雙方確認損毀項目之後，各自保留一份，視乎損毀程度，可以考慮要求承建商修補或者作出金錢賠償(建議最好用書面作出要求，他日需要以法律途徑追討時有用)，如果雙方對損毀係咪由於施工不當做成，可能需要搵公證行嚟睇(最好係自己搵，只要最後證明到係承建商問題就claim埋佢搵公證行嘅費用，最好唔好用承建商嘅公證行………………)
法團星期五我會尼支持
回覆刪除多謝你嘅支持
刪除我住11座,去年5月大裝修過,最近幫襯樓下鋪換左水表後喉,黑雨後發現地大廳楓木地板不斷滲水木邊現黑,應該關邊個事//?
回覆刪除法團知多D要不要報名//? 如果我出席反映大維修問題得嗎//?
嘉嘉，
刪除你換錶後水喉嗰陣有無郁過室內啲喉?無嘅未必關事喎，我諗你都係搵管理處嘅人上嚟睇吓啦
唔使報名㗎
其實上面都講過，今次搞法團同大維修無咩關係，現時大維修問題應該搵管理處，不過如果你需要搵人幫手，可以試吓同尹議員/維修小組成員講吓
李議員話用344~4要得到政府批准,大業主唔會配合,咁你地會唔會又得個[攪]勞民傷財?.
回覆刪除李議員指梁志偉對佢唔禮貌欠尊重,亞梁你係未想選下屆區議員?.
業委屈，
刪除我唔知李議員所謂嘅"批准"係咩意思，根據第4條，收集到足夠簽名後係要向土地審裁處要求法庭頒令召開大會，如果法庭真係頒令，即係所有程序係合符法例要求，到時大會照開，大業主配唔配合都係咁，上次余太搞嗰次大業主都無投票啦，最近開咗兩次選業委都流會，咁又算唔算勞民傷財呢？
唔尊重?我點樣唔尊重法?要人尊重唔係靠身份嘅，係要做嘅嘢令人覺得佢值得人哋尊重先得………
區議員?可能有人覺得做區議員好威，但我真係無乜興趣，你叫李議員放心，我唔會同佢爭嘅………
議員喎…………
係米今晚選法團？
回覆刪除珊，
刪除今晚唔係選法團，只係希望令大家了解法團多啲嘅座談會/講解會啫，選法團係要召開業主大會㗎
我聽完你地個會 , 我依然唔係好明 , 究竟你地以後法團可唔可以炒啟勝魷魚?
回覆刪除豹哥，
刪除先講返法例要求，嗰晚莊生講得好清楚，由於啟勝係公契經理人，如果要炒佢就要根據建築物管理條例附表7去做，管委會需要召開業主大會，而大會上投票炒啟勝嘅業主要有不少於50%業權，喺呢度"不少於50%業權"係指需要交管理費嘅業權，即係包括商場部份，基本上唔係話無可能，不過都唔易
其實如果成立到法團，屋苑管理係由管委會話事，管理公司只係聽管委會指令去做，喺咁嘅情況下，我又覺得無咩需要炒啟勝囉…………
果晚尹兆堅區議員講又要入品土審搵法官乜乜東咁判？
回覆刪除李志強議員話梁志偉你上一次入土審都輸曬
8座的業主，
刪除現時籌備小組召集人係打算用第4條嘅方法去成立法團，呢個方法係要向土地審裁處申請，如果法庭無問題就會發出召開業主大會嘅命令，所以都可以話要等法官判嘅……
李議員真係咁講? 其實所有法庭嘅案件都係獨立去睇，唔會話邊個上次輸咗所以今次都會輸，如果你有興趣可以上網搵吓，啟勝喺土地審裁處嘅案件都係有贏有輸㗎，作為議員無理由會有咁嘅諗法咁低B喎………係咪你誤會咗李議員嘅意思咋………
題外話，今次去土審申請嘅唔係我，就算我上次輸咗都唔會對今次嘅申請有任何影響，大家可以放心
潘Sir俾工人打事係唔係真?
回覆刪除亞江，
刪除潘生係同啲工人有衝突，但我又無聽到佢係俾人打喎………
法團幾時開業權大會?
回覆刪除亞江，
刪除其實嗰晚賴生都有講過，如果收夠10%業權支持，就可以向土審申請，呢個程序需要法庭排期，由入紙到真係頒令(如果順利嘅話)大約都要3-4個月，之後要搵場地、出通告，快極都要一個月，所以賴生都講咗成立法團可能要用8-9個月時間
今日磚投票結果點?
回覆刪除管理處出咗通告啦，第三個選擇吖嘛
刪除法團攪成點? 無曬聲氣?
回覆刪除羅業主，
刪除現時仲收集緊簽名，同時亦跟進緊一啲有問題嘅簽名，如果有進一步消息，一定會通知大家嘅
想問我們第1期幾時完工﹖
回覆刪除10座的人，
刪除聽維修小組嘅人講，第一期工程(即係第5、7、9、11同12座)可能年尾至下年年初先完工，第二期(即第6、8、10座)應該會再遲啲………………
你想要確實啲嘅答案，或者問管理處會好啲
我屋企有4部冷氣
回覆刪除今日試開
廳2部刀瓜柴
我有毋辦法追討？
12座業主W.C.W.，
刪除有無同管理處講?
我建議你叫管理處搵埋輝煌啲人上嚟睇吓部冷氣機嘅死因係乜，可以嘅話影埋相，視乎死因再決定係咪應該追討
簽名站梁太up搭竹棚公司收唔到$$$
回覆刪除令第1期其中兩棟要停工
真訂假？
T.K.Y.@@，
刪除我有聽過，但唔知真定假
反而輝煌曾經多次因施工安全問題俾政府要求停工就真有其事
要舉報法團D人上門收集簽名
回覆刪除以我所知，籌備小組無組織過上門家訪嘅行動
刪除另外，你如果需要投訴，應該先同管理處講，由管理處同籌備小組商討有關問題
我住9座 今早上開窗 乘個窗框甩出尼落地 玻璃爛碎 幸運無跌落街 管理員尼影相 話吾關維修引起事 我要入紙投訴
回覆刪除9座不滿業主，
刪除窗框甩落嚟………!
好誇張喎，
咁輝煌點講?
冇錯 乘個窗框甩落尼 佢地話系我窗邊石屎殘缺 吾關維修引起
刪除9座不滿業主，
刪除咁你有無搵裝修C傅睇過？
樓上C兄你好小事,
回覆刪除我有晚收工返屋企,
細廳個窗直頭成只唔見佐,
衝去實Q室投訴,
佢地話唔知有咁嘅事．
勞氣人，
刪除C兄，你隻窗直頭唔見咗?
係飛咗落街定點?
如果飛落街管理處無理由唔知/唔報警喎………
如果無飛落街，咁隻窗去咗邊?俾人拆走咗?????
梁志偉大隊收集法團簽名有無效果？
回覆刪除你地霸住公共地方好耐
雖然我是支持法團
不過都覺得你地有的的阻住
macy.wong@blk.11，
刪除希望你諒解收集700個簽名唔係咁容易嘅事，
籌備小組已經盡量將街站設喺唔太阻礙通道嘅地方，
據我了解，現時已經接近目標，
相信街站唔會再擺好耐，
有新消息會盡快向大家公布
梁生 我系一般家庭 有在學仔女 有老人家要養 我一個做工 已申請屋宇處有利息貨款 獲批 但想問而家因為D窗太殘 我想換過D新 吾知政府重有冇一D補助或者貨款計劃可以幫到我﹖
回覆刪除9座不滿業主,
刪除除咗屋宇署嘅樓宇安全貸款，
有業主問過市建局，
另外有個家居維修免息貸款計劃， 最多可以借5萬蚊
不過要留意幾樣嘢：
1. 一定要喺維修工程開始前申請(期間市建局會派人上門睇吓維修項目係咪有需要)
2. 貸款會喺工程完成後先入落借款人戶口(即係要自己俾咗錢先)
3. 如果借款人有其他貸款，會視乎還款能力決定借幾多(即係有機會借唔足)
申請表格都係你之前申請樓宇安全貸款嗰張
梁志偉你有收過通告-
回覆刪除錶後水喉-要錢
室內水喉-又要錢
但係我想問室內水喉藏在地板下面-點同我換?
室內水喉?
刪除今次維修(無論係錶前定錶後)都應該唔會整室內水喉喎…………
室內水喉?
刪除今次大維修無論係錶前定錶後都應該唔會整室內水喉喎，你係咪誤會咗呀?
梁志偉你6座為甚麼一路停工/?
回覆刪除是不因為你組法團/?
占美，
刪除應該唔關事，
一來我唔係小組召集人，
二來義工咁多座都有，
我諗係輝煌安排唔到人手做嘢啫………
又見到你個法團簽名收集站開美食大會
回覆刪除都唔知你弟有毛稿錯
正經O野唔做
晚晚開餐
投訴你梁志偉
有不滿的人，
刪除我唔清楚你講嘅美食大會，
請問啲義工有無整污糟啲地方?
啲義工都係人，都要食飯卦………
保安部電話無法接通,我單位入晒水,點算好？
回覆刪除我間屋有6個地方漏緊水
回覆刪除管理公司話人手不足
叫我自己接水先
我廳房都漏緊水，有無人幫到我? 大堂保安無人在．
回覆刪除可唔可以講下你地係邊一座
回覆刪除各位業主
回覆刪除我9座
漏水好嚴重
根本冇人理
求助冇門
李志強點解唔過來睇下班小業主漏水幾慘﹖
回覆刪除我床都濕曬·
其實係咪得579先係咁,我親戚住12座乜事都冇喎
刪除邊個話 , 我住12座13樓 , 今晚一樣有水災 , 幾只窗滲漏得好西利 , 地板都濕 .
回覆刪除雖然6座未整,但我果邊既窗都有小小舊,大雨當風果陣都會有d水流左入黎
刪除想問下你果到整外牆果陣有冇打穿到?
有﹐
刪除不過補左防漏泥照樣漏水·
你入水
回覆刪除我漏水
佢滲水
{人哋就收水 }
我今晚跑去控制室幾次
回覆刪除我表明我屋企入side水
可惜完全冇得到合理協助
梁志偉你與本邨經理熟悉
你可以為小業主發聲投訴嗎?
好火滾
回覆刪除我不明白點會漏成o甘
我個層3個單位漏晒水
我仲慘，廚房地台出現1CM水浸.............
回覆刪除C兄你地好平常,我家姐重大件事,
回覆刪除D水入晒房............
回覆刪除低層?
刪除滴水滴左1晚,冇人尼整,&^%^$#$@
回覆刪除唔落雨先算啦,一落雨d工人自動收工...
刪除梁志偉你吾好攪到de人針對管業
回覆刪除法團可不協助我追究黃雨引至既損失？
回覆刪除我想搵業委何太為我們小業主向啟勝管理協調大維修投訴0既事,
回覆刪除梁生你籌委法團我好滿意.
李生話梁志偉系法團幕後策動人
回覆刪除梁生我想知道依家業主法團進展如何?
回覆刪除落親雨就入水好煩~
回覆刪除今日abt.14;30pm, 9座高層有竹棚鬆脫, 嚇壞幾個單位業主‧
回覆刪除係加竹落去定一開始果d先?
刪除係原先個棚
刪除樓上咁多位業主，
回覆刪除小弟病咗成個星期(其實係仲病緊……)，我都聽到啲街坊話漏水情況嚴重，現時只可以向管理處反映，等佢哋叫輝煌搞返掂佢，至於因漏水引致嘅損失，需要個別業主向輝煌追討，就算他日成立咗法團都唔可以代為追討室內嘅損失
有關籌備法團嘅事，有啲資料交咗俾律師睇，等佢哋俾意見再決定進一步嘅程序
回覆刪除昨晚大雨沖甩咗前兩日至新舖上去嘅防水英泥
回覆刪除D水又湧入屋
其實牆身未乾，咁做防水都唔知有無用........
刪除落雨天氣 做防水, 我都係第一次見
刪除啟勝出通告
回覆刪除今次黑雨
有200幾個累積投訴
有出過通告咩?
刪除我們有甚麼渠道知道法團進度?
回覆刪除收集簽名行動會去到今個月尾，遲啲應該會有新嘅公佈，由於今次涉及法律程序，所以行每一步都要好小心，當確認簽名無問題及有足夠業權之後，籌備小組會按情況公佈最新嘅進度(當然無嘢發生就無嘢可以公布啦)，如果有問題，都可以聯絡小組召集人
刪除今日見到做修漏水工人差錯腳 ,
回覆刪除我嚇到個心停一停 ‧
個工人有無戴安全帶?
刪除封冷氣機之前check過冇問題，
回覆刪除拆封之後開到機但冇冷氣嘈音好大，
我老公搵過管理員入屋睇，
佢話係我家問題，
叫我地自己搵師傅來整，
咁我應唔應該自己搵人搞？
係座頭定專門負責處理大維修問題嘅職員?
刪除有無叫埋輝煌嘅人嚟睇?
牆身仍然有水滲出尼
回覆刪除好多蚊仔飛來飛去
我嗰度未開始工程，但因為潮濕，啲牆身發霉..........
刪除李志強工作報告梗樣寫
回覆刪除如果達成唔到寄話
可唔可以追鳩佢GA???????
如果有工程上嘅問題，都係搵管理處問清楚好啲，議員工作報告睇完得個知字就算.....
刪除講真，議員都係聽管理處講，相信佢都唔敢保證真係可以做到........
我對面單位有1/4幅牆碎爛
回覆刪除但係個業主長期居住澳門
可能O吾知到出事
工人做防水冇順便整返咩?
刪除有無幫佢同管理處講?
刪除承建搵唔到二判肯接做鋁窗 , ching有無好介紹 ?
回覆刪除無呀，我擔心換完之後，輝煌啲工人唔小心整爛，到時又要再整過..........
刪除[法團召集人]與[法團籌備小組召集人]在法律程序上有什麼分別?-
回覆刪除不明人,
刪除如果用第4條成立法團，業主係委任一個代表去土審申請召開大會，法官認為無問題嘅話就會發出命令，指明一位業主召開大會(即係業主大會召集人，唔係法團召集人)議決係咪成立法團
至於法團籌備小組召集人並唔係根據咩法例委任嘅，亦無咩特別嘅權力，只係一班有心籌組法團嘅業主眾埋一齊去做嘢，基於蛇無頭不行，所以推舉一位業主作為召集人，處理同管理處溝通、以及向土審作出申請嘅工作，雖然無咩特權，但當然要得到義工嘅信任先做得啦
梁志偉你縮埋喺後面搞鬼搞怪
回覆刪除FB666,
刪除請問我點樣縮埋喺後面搞鬼搞怪？我又搞咗啲咩呢？
會不會爛美？
回覆刪除你指大維修？我都唔知..........
刪除賴志偉劈炮???????
回覆刪除無啲咁嘅事，你聽邊個講㗎？
刪除團購搞手遭受恐嚇
回覆刪除團購？邊個俾人恐嚇？如果有需要應該報警喎
刪除屋宇部門早上巡過7/9/10/12座
回覆刪除咁知唔知有無問題？
刪除法團幾時再有公布?
回覆刪除其實5,7,9座
回覆刪除應7月左右會拆冷氣, 封板.
砌磚等事宜
其實最擔心係暑假拆哂冷氣問題
好彩6 8 10 11 12冇冷氣機台,如果唔係全園肯定暴動都似
刪除法團幾時開始投票?
回覆刪除法團真係衰左????
回覆刪除網站毛喇喇執笠嘅????
好可惜．
新報唔公道
回覆刪除無提尹兆賢議員講
梁先生你知唔知尼個報導？
查實而家成立左法團未?
回覆刪除