又係舊瓶舊酒三幅被………好似無任何煤氣公司會安排檢查喉管嘅消息喎，李生商討嘅結果係點?管理公司都無提過咩加價一百萬，問過維修小組嘅人都話唔知，係李生獨家消息?不如李生攞啲文件出嚟證明加價係因為有人質疑啲料嘅質量導致遲咗訂料，唔好齋up啦～聽講管理處收到嘅回覆係因為儲存過多第五類危險品(好多油/化學品都係呢類)所以俾消防收咗啲油，而顧問一直話啲油有問題但又未提供到資料，咁問題喺顧問度定係維修小組度呢？不如李生又攞埋啲文件出嚟等大家可以幫手問吓顧問吖!第6、8座搭棚停晒好似係因為承建商施工程序有問題，俾政府要求停工，唔知李生有無幫手跟進呢？李生係以咩身份去搵承建商講價?啱啱尋日管理處通告話係管理公司同承建商議價喎，我應該信邊個?管理處係業主簽約嘅代表，李生………………李生上次咁"務實"咁呼籲都流會，唔知嚟緊仲有咩"實"嘅方法可以用呢…………?期望李生做得更加好，yeah
re 樓上咁搞法6 8 10座咪去到夏天都開唔到工?
我都唔知呀…………其實承建商唔只一次俾政府話佢有問題，但睇返頭版，佢哋啲工人又再次唔戴安全帶，都唔知想點…………
李議員又有佳作，今日收到"美景花園特刊"..........有關月初嘅業委會選舉，份"特刊"有啲嘢無講嘅：1. 李議員用咗好多篇幅去講呀邊個邊個做咗啲乜，又嘥錢、嘥心機、.....又乜又七......，但重點係“而出席大會人數也只有約10%，遠低於公契要求的20%”，咁即係點？其實李議員無講嘅係無論當日有無人退選都係無辦法成立業委會2. 李議員亦無講到直至當日開會嘅前一日，管理處公佈嘅資料有幾座係唔夠人，係當日開會前先多咗啲候選人參選資料，作為普通業主，我個人會覺得有問題，我都唔夠時間去了解候選人資料，點選呀？3. 當日咁啱見到張經理，同佢吹水講開點解唔夠候選人都照開會，會唔會嘥錢呀？張經理話有幾座夠候選人，可以先選嗰幾座嘅業委，我雖然唔認同，但始終管理處唔係剩係向我交代，咁都無辦法，不過似乎同李議員嘅講法有出入，另外，估唔到喺李議員好“務實”咁呼籲下都唔夠法定人數開會.......有關業委會功能：1. 份“特刊”講到有業委會就可以解決好多問題，但好無奈都要講句，根據公契業委會只係咨詢角色，俾吓意見管理處，聽唔聽/聽幾多係由管理處話事，喺大維修呢件事，我睇唔到同維修小組喺功能上有咩分別(除咗一個係講晒屋苑管理，一個係針對大維修)2. 上面講過業委會只係咨詢角色，咁業委會講嘅係咪代表所有業主？管理處係咪特別重視業委會意見，其他業主意見就唔理呢？信唔信都好，就呢個問題我嗰日都問過張經理，佢話所有業主意見都會聽，如果真嘅，咁業委會又有咩特別呢？3. 李議員不斷提及監管大維修，其實業委會係咪真係可以監管大維修？喺呢方面嘅作用係咪會比維修小組大？仲記得之前決定大維修分幾多期做？點分法？點施工都係由當時嘅維修小組去同顧問/承建商開會決定，反而業委會好似無權過問咁，加上有部份好“務實”嘅委員集體辭職，搞到上屆剩低嘅業委好勞氣.........令我懷疑李議員講嘅係咪真係做得到......4. 成日話物料加價可能被索償，其實試過未？有無文件support？區議會做嘢應該唔係齋up架？咩都無點討論？5. 個人覺得最終極嘅辦法係成立法團，可以做到一啲業委會做唔到嘅嘢，亦有法例可以跟從，好多嘢唔使拗(註：我唔係反對成立業委會，只係對業委會嘅功能係咪如同李議員所講咁大有啲懷疑啫，支唔支持成立業委會請各位自行判斷)李議員做過嘅工作唔回應喇，講咗幾次有啲悶............區議員喺美景花園嘅身份：1. 李議員話啟勝唔俾佢掛橫額/佈告，可能我孤陋寡聞，唔多覺有私人屋苑會掛好多區議員嘅橫額，除非嗰個區議員又係法團主席啦(真人真事)........2. 李議員想有嘢通知業主，真係無辦法咩？咪玩啦，李議員喺青康路掛出嚟講美景嘢嘅橫額呢幾年都未停過，可以講乜都得，連民政署都話管唔到，點可以話無辦法接觸業主呀..........3. 李議員話“只有通過業委會才可正式參與屋苑事務”，呢點唔係理所當然嘅咩？我仲記得曾經因美景事務向李議員求助時李議員嘅回覆係“區議員是無權干預的”(李議員覆我嘅電郵都仲喺度)，點解份“特刊”講到俾管理處打壓咁款？係思想混亂/身份混淆？4. 其實管理處對李議員都唔錯丫，早幾日已經見到大堂有個收集箱係講12座後面嘅發展計劃，但份問卷反而未見過，5. 很多業主要求李議員再出任業委會工作.........不願置評，我只知業委係要按公契由業主選出嚟，唔係話邊個邊個想我做，一切跟程序啦........
又係舊瓶舊酒三幅被………
回覆刪除好似無任何煤氣公司會安排檢查喉管嘅消息喎，李生商討嘅結果係點?
管理公司都無提過咩加價一百萬，問過維修小組嘅人都話唔知，係李生獨家消息?不如李生攞啲文件出嚟證明加價係因為有人質疑啲料嘅質量導致遲咗訂料，唔好齋up啦～
聽講管理處收到嘅回覆係因為儲存過多第五類危險品(好多油/化學品都係呢類)所以俾消防收咗啲油，而顧問一直話啲油有問題但又未提供到資料，咁問題喺顧問度定係維修小組度呢？不如李生又攞埋啲文件出嚟等大家可以幫手問吓顧問吖!
第6、8座搭棚停晒好似係因為承建商施工程序有問題，俾政府要求停工，唔知李生有無幫手跟進呢？
李生係以咩身份去搵承建商講價?啱啱尋日管理處通告話係管理公司同承建商議價喎，我應該信邊個?管理處係業主簽約嘅代表，李生………………
李生上次咁"務實"咁呼籲都流會，唔知嚟緊仲有咩"實"嘅方法可以用呢…………?
期望李生做得更加好，yeah
re 樓上
回覆刪除咁搞法6 8 10座咪去到夏天都開唔到工?
我都唔知呀…………
回覆刪除其實承建商唔只一次俾政府話佢有問題，但睇返頭版，佢哋啲工人又再次唔戴安全帶，都唔知想點…………
李議員又有佳作，今日收到"美景花園特刊"..........
回覆刪除有關月初嘅業委會選舉，份"特刊"有啲嘢無講嘅：
1. 李議員用咗好多篇幅去講呀邊個邊個做咗啲乜，又嘥錢、嘥心機、.....又乜又七......，但重點係“而出席大會人數也只有約10%，遠低於公契要求的20%”，咁即係點？其實李議員無講嘅係無論當日有無人退選都係無辦法成立業委會
2. 李議員亦無講到直至當日開會嘅前一日，管理處公佈嘅資料有幾座係唔夠人，係當日開會前先多咗啲候選人參選資料，作為普通業主，我個人會覺得有問題，我都唔夠時間去了解候選人資料，點選呀？
3. 當日咁啱見到張經理，同佢吹水講開點解唔夠候選人都照開會，會唔會嘥錢呀？張經理話有幾座夠候選人，可以先選嗰幾座嘅業委，我雖然唔認同，但始終管理處唔係剩係向我交代，咁都無辦法，不過似乎同李議員嘅講法有出入，另外，估唔到喺李議員好“務實”咁呼籲下都唔夠法定人數開會.......
有關業委會功能：
1. 份“特刊”講到有業委會就可以解決好多問題，但好無奈都要講句，根據公契業委會只係咨詢角色，俾吓意見管理處，聽唔聽/聽幾多係由管理處話事，喺大維修呢件事，我睇唔到同維修小組喺功能上有咩分別(除咗一個係講晒屋苑管理，一個係針對大維修)
2. 上面講過業委會只係咨詢角色，咁業委會講嘅係咪代表所有業主？管理處係咪特別重視業委會意見，其他業主意見就唔理呢？信唔信都好，就呢個問題我嗰日都問過張經理，佢話所有業主意見都會聽，如果真嘅，咁業委會又有咩特別呢？
3. 李議員不斷提及監管大維修，其實業委會係咪真係可以監管大維修？喺呢方面嘅作用係咪會比維修小組大？仲記得之前決定大維修分幾多期做？點分法？點施工都係由當時嘅維修小組去同顧問/承建商開會決定，反而業委會好似無權過問咁，加上有部份好“務實”嘅委員集體辭職，搞到上屆剩低嘅業委好勞氣.........令我懷疑李議員講嘅係咪真係做得到......
4. 成日話物料加價可能被索償，其實試過未？有無文件support？區議會做嘢應該唔係齋up架？咩都無點討論？
5. 個人覺得最終極嘅辦法係成立法團，可以做到一啲業委會做唔到嘅嘢，亦有法例可以跟從，好多嘢唔使拗
(註：我唔係反對成立業委會，只係對業委會嘅功能係咪如同李議員所講咁大有啲懷疑啫，支唔支持成立業委會請各位自行判斷)
李議員做過嘅工作唔回應喇，講咗幾次有啲悶............
區議員喺美景花園嘅身份：
1. 李議員話啟勝唔俾佢掛橫額/佈告，可能我孤陋寡聞，唔多覺有私人屋苑會掛好多區議員嘅橫額，除非嗰個區議員又係法團主席啦(真人真事)........
2. 李議員想有嘢通知業主，真係無辦法咩？咪玩啦，李議員喺青康路掛出嚟講美景嘢嘅橫額呢幾年都未停過，可以講乜都得，連民政署都話管唔到，點可以話無辦法接觸業主呀..........
3. 李議員話“只有通過業委會才可正式參與屋苑事務”，呢點唔係理所當然嘅咩？我仲記得曾經因美景事務向李議員求助時李議員嘅回覆係“區議員是無權干預的”(李議員覆我嘅電郵都仲喺度)，點解份“特刊”講到俾管理處打壓咁款？係思想混亂/身份混淆？
4. 其實管理處對李議員都唔錯丫，早幾日已經見到大堂有個收集箱係講12座後面嘅發展計劃，但份問卷反而未見過，
5. 很多業主要求李議員再出任業委會工作.........不願置評，我只知業委係要按公契由業主選出嚟，唔係話邊個邊個想我做，一切跟程序啦........